اقوام متحدہ کے سیکریٹری جنرل کل پاکستان پہنچیں گے، 8 اکتوبر تک قیام

اقوام متحدہ کے سیکریٹری جنرل انتونیو گوتریس کل پاکستان پہنچیں گے، جہاں صدر، وزیراعظم اور اسحاق ڈار سے ملاقاتوں کے علاوہ اہم اداروں کا دورہ کریں گے۔
اقوام متحدہ کے سیکریٹری جنرل

انتونیو گوتریس کل پاکستان پہنچیں گے۔ صدر، وزیراعظم اور اسحاق ڈار سے ملاقاتیں ہوں گی، جبکہ این ڈی ایم اے اور یو این ایم او جی آئی پی کا دورہ بھی شیڈول ہے۔

October 5, 2026

اقوام متحدہ کے سیکریٹری جنرل انتونیو گوتریس کل پاکستان پہنچیں گے۔ وہ 8 اکتوبر تک پاکستان میں قیام کریں گے۔

دورۂ پاکستان کے دوران انتونیو گوتریس صدر مملکت آصف علی زرداری، وزیراعظم محمد شہباز شریف اور نائب وزیراعظم و وزیر خارجہ محمد اسحاق ڈار سے ملاقاتیں کریں گے۔

ملاقاتوں میں پاکستان اور اقوام متحدہ کے درمیان تعاون، علاقائی صورتحال اور دیگر اہم امور پر تبادلہ خیال کیا جائے گا۔

ذرائع کے مطابق انتونیو گوتریس نیشنل ڈیزاسٹر مینجمنٹ اتھارٹی (این ڈی ایم اے) کا بھی دورہ کریں گے۔

این ڈی ایم اے میں انہیں قدرتی آفات سے نمٹنے کے لیے پاکستان کی تیاریوں اور ہنگامی صورتحال سے نمٹنے کی صلاحیتوں پر بریفنگ دی جائے گی۔

اقوام متحدہ کے سیکریٹری جنرل اسلام آباد میں اقوام متحدہ کے ملٹری آبزرور گروپ ان انڈیا اینڈ پاکستان (یو این ایم او جی آئی پی) کے ہیڈکوارٹرز بھی جائیں گے۔

یو این ایم او جی آئی پی پاکستان اور بھارت میں اقوام متحدہ کے فوجی مبصرین کی سرگرمیوں کی نگرانی کرتا ہے۔

انتونیو گوتریس اس سے قبل 2022 میں پاکستان کا دورہ کر چکے ہیں۔ اس وقت انہوں نے ملک میں آنے والے تباہ کن سیلاب کے بعد متاثرہ علاقوں کا دورہ کیا تھا۔

انہوں نے سیلاب متاثرین سے ملاقات کرکے ان کے ساتھ اظہار یکجہتی بھی کیا تھا۔

سربراہ کی حیثیت سے کردار

انتونیو گوتریس یکم جنوری 2017 کو اقوام متحدہ کے سیکریٹری جنرل کی حیثیت سے ذمہ داریاں سنبھال چکے ہیں۔

وہ اقوام متحدہ کے نویں سیکریٹری جنرل ہیں۔ اس سے قبل وہ جون 2005 سے دسمبر 2015 تک اقوام متحدہ کے ہائی کمشنر برائے پناہ گزین کے منصب پر فائز رہے۔

گوتریس اس سے پہلے پرتگال کی سیاست اور عوامی خدمت سے بھی وابستہ رہے۔ وہ 1995 سے 2002 تک پرتگال کے وزیراعظم رہے۔

وہ 1976 میں پرتگالی پارلیمنٹ کے رکن منتخب ہوئے تھے۔ بعد ازاں پناہ گزینوں، ہجرت اور سماجی ترقی کے شعبوں میں بھی مختلف ذمہ داریاں انجام دیتے رہے۔

دیکھیے: مکہ دفاعی معاہدہ: پاکستان، سعودیہ اور ترکیہ کا اجتماعی دفاع مضبوط بنانے پر اتفاق

متعلقہ مضامین

ایرانی فورسز نے تائیباد سرحد پر کارروائی کے دوران افغان اسمگلروں سے منشیات اور اسلحہ برآمد کرلیا۔

November 19, 2026

گلگت بلتستان کے عوام قدرتی آفات، موسمیاتی تبدیلی اور سفری مشکلات سے دوچار ہیں، مگر مستقل تحفظ کے اقدامات اب بھی ضروری ہیں۔

November 19, 2026

میرعلی میں بارودی مواد کی لیبارٹری تباہ، آئی ای ڈیز اور کواڈ کاپٹرز برآمد۔

November 19, 2026

اینکر ربیعہ احسن کی موت کے مقدمے میں شوہر احسن طاہر خان کی دو لاکھ روپے کے مچلکوں پر ضمانت منظور کر لی گئی۔

November 19, 2026

رائے دیں

Leave a Reply

Your email address will not be published. Required fields are marked *