شمالی وزیرستان کے علاقے میرعلی میں سکیورٹی فورسز نے سرچ اینڈ کلیئرنس آپریشن کے دوران دہشت گردوں کا بارودی مواد تیار کرنے والا بڑا ٹھکانہ تباہ کر دیا۔
سکیورٹی ذرائع کے مطابق فتنہ الخوارج نے رہائشی مکانات میں دھماکا خیز مواد تیار کرنے کی لیبارٹری قائم کر رکھی تھی۔ کارروائی کے دوران بھاری مقدار میں دیسی ساختہ بم (آئی ای ڈیز)، کواڈ کاپٹرز اور دھماکا خیز مواد کی تیاری سے متعلق لٹریچر برآمد کیا گیا۔
رپورٹ کے مطابق میرعلی میں حالیہ کارروائیوں کے دوران دہشت گردوں کے متعدد ٹھکانے بھی تباہ کیے جا چکے ہیں۔ سکیورٹی فورسز کا کہنا ہے کہ خیبرپختونخوا میں دہشت گردی کے خاتمے تک کارروائیاں جاری رہیں گی۔
دیکھیے ؛ فتنۃ الخوارج کا جھوٹا پراپیگنڈا، جعلی ویڈیوز اور بیرونی سہاروں پر مجبور





