سعودی عرب کی جانب داغے گئے تین بیلسٹک میزائل فضا میں ہی تباہ کر دیے گئے۔ سعودی فوجی اتحاد کے مطابق میزائل مشرقی ریجن کو نشانہ بنانے کے لیے فائر کیے گئے تھے، تاہم وہ اپنے ہدف تک نہیں پہنچ سکے۔
میزائل حملے کے خدشے کے پیش نظر مشرقی ریجن اور الخرج گورنریٹ میں خطرے کا الرٹ جاری کیا گیا تھا، جسے بعد میں واپس لے لیا گیا۔
دوسری جانب سعودی وزارتِ خارجہ نے بتایا کہ مکہ مشترکہ دفاعی معاہدے میں شامل ممالک کے نمائندوں نے تہران کا دورہ کیا، جہاں ان کی ایرانی حکام سے ملاقاتیں ہوئیں۔
وزارتِ خارجہ کے مطابق یہ دورہ خطے میں امن کے قیام، مذاکرات کے فروغ اور جاری کشیدگی کم کرنے کی سفارتی کوششوں کا حصہ تھا۔
سعودی عرب نے پاکستان اور قطر کی ثالثی کوششوں کی حمایت کا اعادہ کرتے ہوئے خطے میں امن کے لیے سفارتی اقدامات کی اہمیت پر زور دیا۔
