مولانا فضل الرحمٰن کی اسلام آباد میں رہائش گاہ کے اطراف پولیس چیک پوسٹس قائم کر دی گئی ہیں، جہاں گلی میں آنے اور جانے والے افراد کی نقل و حرکت کی نگرانی کی جا رہی ہے۔ اس انتظام کا مقصد مشکوک افراد کی سرگرمیوں کی روک تھام اور قانون کی پاسداری یقینی بنانا ہے۔
پولیس نے مولانا فضل الرحمٰن کی رہائش گاہ والی گلی کے داخلی راستے پر چیک پوسٹس قائم کی ہیں، جہاں سے گزرنے والے افراد کی نقل و حرکت چیک کی جا رہی ہے۔ اس اقدام کا مقصد علاقے میں سکیورٹی کی نگرانی اور مشکوک سرگرمیوں کی روک تھام ہے۔
مفتی ابرار کے ناقابلِ ضمانت وارنٹ
دوسری جانب اسلام آباد پولیس نے مولانا فضل الرحمٰن کے قریبی ساتھی مفتی ابرار کے ناقابلِ ضمانت وارنٹ گرفتاری کی تعمیل کر دی ہے۔ تھانہ انڈسٹریل ایریا پولیس کی ٹیم نے سیکٹر آئی نائن فور میں مسجد فاروق اعظم پہنچ کر انہیں وارنٹ موصول کروائے۔
مفتی ابرار کے خلاف تھانہ انڈسٹریل ایریا میں مقدمہ نمبر 1212/26 درج ہے، جس میں انسدادِ دہشت گردی ایکٹ کی دفعات بھی شامل ہیں۔ مقدمے میں 7 نومبر 2026 کو بغیر اجازت احتجاجی اجتماع کرنے، سڑک بند کرنے اور دفعہ 144 کی خلاف ورزی کے الزامات عائد کیے گئے ہیں۔
ایف آئی آر کے مطابق پولیس پارٹی پر پتھراؤ، سرکاری گاڑیوں کی توڑ پھوڑ اور کار سرکار میں مداخلت کے الزامات بھی شامل ہیں۔





