مددگار یا مکار؟ ذاتی محافظوں کے ہاتھوں سابق وزیر کا قتل

مددگار یا مکار؟

جنھیں حفاظت کے لیے رکھا گیا، مبینہ طور پر انھی کے ہاتھوں سابق وزیر مملکت لیاقت عباس بھٹی قتل ہوئے۔ اداریہ: نجی محافظوں کی بھرتی، تصدیق اور نگرانی کے نظام پر سنجیدہ سوالات۔

سعودی اتحادی افواج کی یمنی بندرگاہ پر کارروائی، حوثیوں کی جوابی حملوں کی دھمکی

سعودی اتحادی افواج نے الحدیدہ بندرگاہ پر حملے کا دعویٰ کیا ہے، حوثیوں نے سعودی بندرگاہوں اور فضائی حدود سے گزرنے والی پروازوں کو خبردار کردیا۔
سعودی اتحادی افواج کا الحدیدہ بندرگاہ پر حملہ، حوثیوں کی فضائی انتباہ

یمن کی الحدیدہ بندرگاہ پر سعودی اتحادی افواج کی کارروائی کے بعد حوثیوں نے سعودی بندرگاہوں اور فضائی حدود کو ممکنہ حملوں کا نشانہ بنانے کی دھمکی دے دی۔

November 21, 2026

سعودی قیادت میں اتحادی افواج نے یمن کی بحیرہ احمر کے ساحل پر واقع الحدیدہ بندرگاہ کو نشانہ بنانے کا دعویٰ کیا ہے۔ دوسری جانب حوثی باغیوں نے سعودی فضائی حدود سے گزرنے والی فضائی کمپنیوں کو ممکنہ حملوں سے خبردار کردیا ہے۔

غیر ملکی خبر ایجنسی کے مطابق اتحادی افواج نے یہ کارروائی حوثیوں کی عسکری صلاحیتوں کو نقصان پہنچانے کے لیے کی۔ اتحادی افواج کا کہنا ہے کہ الحدیدہ بندرگاہ کو ہتھیاروں، بیلسٹک میزائلوں کی ترسیل اور اسمگلنگ کے لیے استعمال کیا جا رہا تھا۔ حملے سے قبل شہریوں کو علاقے سے انخلا کی ہدایت بھی کی گئی تھی۔

الحدیدہ بندرگاہ یمن کے حوثیوں کے زیر کنٹرول شمالی علاقے میں واقع ہے اور ملک میں خوراک سمیت ضروری سامان کی ترسیل کا اہم مرکز ہے۔ تاہم یمن کے وزیر اطلاعات نے دعویٰ کیا ہے کہ بندرگاہ مکمل طور پر فعال ہے اور وہاں سامان کی ترسیل جاری رہے گی۔

دوسری جانب حوثی ترجمان یحییٰ سریع نے سعودی عرب کو خبردار کیا تھا کہ اگر یمنی بندرگاہ پر حملہ کیا گیا تو بحیرہ احمر میں سعودی بندرگاہوں کو نشانہ بنایا جائے گا۔ انہوں نے سعودی بندرگاہوں کے ملازمین اور قریبی علاقوں میں موجود افراد کو فوری انخلا کی ہدایت کرتے ہوئے شپنگ کمپنیوں سے بھی اپنے جہاز وہاں سے نکالنے کا مطالبہ کیا۔

حوثی ترجمان نے فضائی کمپنیوں کو سعودی فضائی حدود سے گزرنے سے گریز کرنے کا انتباہ بھی دیا تھا۔ ان کا کہنا تھا کہ چند گھنٹوں بعد فضائی حملے کیے جاسکتے ہیں، تاہم مکہ اور مدینہ کے قریب فضائی حدود کو اس تنبیہ سے مستثنیٰ قرار دیا گیا تھا۔ انہوں نے جنوبی سعودی عرب کے علاقے شقیق میں بجلی گھر کو بھی نشانہ بنانے کی دھمکی دی تھی۔

ادھر سعودی قیادت میں اتحادی افواج نے یمن کے دارالحکومت صنعا میں بیلسٹک میزائلوں اور ڈرونز کی صلاحیتوں کو نشانہ بنانے کے لیے کارروائی کا دعویٰ کیا ہے، جبکہ صعدہ اور تعز میں بھی فوجی کارروائیاں جاری رہنے کی اطلاع دی ہے۔

یمن میں جاری تنازع کے دوران سعودی عرب بین الاقوامی سطح پر تسلیم شدہ یمنی حکومت کی حمایت کر رہا ہے، جبکہ حوثی باغیوں کا ملک کے کئی علاقوں پر کنٹرول ہے۔ تازہ حملوں اور دھمکیوں سے بحیرہ احمر میں کشیدگی مزید بڑھنے کا خدشہ پیدا ہوگیا ہے۔

متعلقہ مضامین

امریکی صدر ڈونلڈ ٹرمپ نے ایران کو جوہری ہتھیاروں کے حصول سے روکنے کا اعلان کرتے ہوئے امریکا، روس اور چین کے جوہری ذخیرے سے متعلق اعداد و شمار بھی بیان کیے۔

November 21, 2026

جنھیں حفاظت کے لیے رکھا گیا، مبینہ طور پر انھی کے ہاتھوں سابق وزیر مملکت لیاقت عباس بھٹی قتل ہوئے۔ اداریہ: نجی محافظوں کی بھرتی، تصدیق اور نگرانی کے نظام پر سنجیدہ سوالات۔

November 21, 2026

خیبرپختونخوا میں ہلاک 4 دہشت گردوں میں افغان شہری قاری متی اللہ بھی شامل تھا، بیان میں ٹی ٹی پی کے ساتھ 260 سے زائد افغان شہریوں کی ہلاکت کا دعویٰ کیا گیا ہے۔

November 21, 2026

لکی مروت میں پولیس موبائل پر حملے کے دوران ایک دہشتگرد ہلاک ہوگیا، تمام پولیس اہلکار محفوظ رہے۔

November 21, 2026

رائے دیں

Leave a Reply

Your email address will not be published. Required fields are marked *