ایران کے سیکیورٹی چیف علی لاریجانی نے کہا کہ ایران امریکا اور اسرائیل کے مقابل ڈٹ کر کھڑا ہے اور مسلم ممالک کو فیصلہ کرنا ہوگا کہ وہ کس طرف ہیں۔
علی لاریجانی نے مسلم ممالک پر تنقید کرتے ہوئے کہا کہ جب ایران پر حملہ ہوا تو کئی مسلم ممالک کی جانب سے حمایت سامنے نہیں آئی جس پر افسوس ہے۔
ان کا کہنا تھا کہ کچھ ممالک نے تو ایران کو دشمن قرار دے دیا صرف اس وجہ سے کہ ایران نے امریکی اڈوں اور اسرائیلی مفادات کو نشانہ بنایا۔
لاریجانی نے کہا کہ ایران سے یہ توقع نہیں کی جا سکتی کہ وہ ہاتھ باندھ کر خاموش کھڑا رہے۔
انہوں نے کہا کہ آج کی صورتحال میں ایک طرف امریکا اور اسرائیل ہیں جبکہ دوسری طرف ایران اور مزاحمتی قوتیں ہیں۔
ایرانی رہنما نے مسلم دنیا سے سوال کرتے ہوئے کہا، اب آپ کو فیصلہ کرنا ہوگا کہ آپ کس طرف کھڑے ہیں۔
انہوں نے مزید کہا کہ ایران خطے پر تسلط نہیں چاہتا بلکہ مسلم ممالک کے درمیان اتحاد دیکھنا چاہتا ہے۔
دیکھئیے:پاکستان کی حمایت پر ایرانی وزیر خارجہ عباس عراقچی کا اظہارِ تشکر