روسی میڈیا کا دعویٰ ہے کہ ایران کے نئے میزائل امریکی دفاعی نظام کو چکما دینے کی صلاحیت رکھتے ہیں، جس سے پینٹاگون تشویش میں مبتلا ہے۔ یہ دعویٰ ایسے وقت سامنے آیا جب اردن میں ایرانی حملے میں 2 امریکی فوجی ہلاک ہو چکے ہیں۔
امریکی صدر ڈونلڈ ٹرمپ کے حکم پر امریکی فوج نے ایران پر مسلسل آٹھویں رات بھی شدید فضائی حملے کیے ہیں، جس میں آبنائے ہرمز کے قریبی علاقوں اور ایرانی فوجی تنصیبات کو نشانہ بنایا گیا ہے۔
رپورٹس کے مطابق امریکا ایران پر مزید حملے کی منصوبہ بندی کر رہا ہے اور اسرائیل کو درجنوں اضافی ایندھن فراہم کرنے والے طیارے بھیجنے پر غور کر رہا ہے، تاہم ابھی نئے حملوں کا باضابطہ اعلان نہیں کیا گیا۔
اقوامِ متحدہ کے عہدیدار الیگزینڈر زویف نے کہا ہے کہ افغانستان میں القاعدہ کی موجودگی اور طالبان سے روابط اب بھی برقرار ہیں۔ داعش خراسان اور تحریک طالبان پاکستان بھی افغانستان سے سرگرم اہم دہشت گرد تنظیموں میں شامل ہیں۔
سیکیورٹی فورسز نے جنوبی وزیرستان لوئر کے علاقے وانا میں بارودی مواد سے بھری گاڑی خودکش حملے سے پہلے ہی تباہ کر دی۔ تین دن کی مسلسل نگرانی کے بعد کی گئی اس کارروائی میں ایک خارجی ہلاک اور 5 زخمی ہوئے۔
