باجوڑ: خیبر پختونخوا کے ضلع باجوڑ میں فتنہ الخوارج نے کرکٹ گراؤنڈ پر کواڈ کاپٹر سے حملہ کیا ہے، جس کے نتیجے میں 3 افراد زخمی ہو گئے ہیں۔
سکیورٹی ذرائع کے مطابق یہ حملہ باجوڑ کے علاقے ماموند میں اس وقت کیا گیا جب گراؤنڈ میں کھیل جاری تھا۔ کواڈ کاپٹر کے حملے کے بعد علاقے میں ہنگامی صورتحال پیدا ہو گئی اور زخمیوں کو فوری طور پر طبی امداد فراہم کی گئی۔
ڈپٹی کمشنر باجوڑ نے خطے کی صورتحال پر روشنی ڈالتے ہوئے بتایا کہ مارچ اور اپریل کے دوران ماموند اور سالارزئی میں مارٹر گولے بھی فائر کیے گئے۔ ان کا کہنا تھا کہ افغان طالبان کی جانب سے باجوڑ میں سول آبادی پر فائرنگ کے افسوسناک واقعات پیش آئے، جن کے نتیجے میں 3 خواتین اور 6 بچے شہید ہوئے۔
سکیورٹی ذرائع نے تصدیق کی ہے کہ سکیورٹی فورسز کی جانب سے فتنہ الخوارج اور افغان طالبان کو بھرپور جواب دیا جا رہا ہے۔ دفاعی ماہرین کے مطابق فورسز خوارج اور افغان طالبان کی پوسٹوں اور ان کے معاون انفراسٹرکچر کو کامیابی سے نشانہ بنا رہی ہیں تاکہ علاقے میں امن و امان کو یقینی بنایا جا سکے۔
دیکھئیے:کابل: شہری مقامات کا عسکری استعمال اور بین الاقوامی قوانین