دیر لوئر: خیبر پختونخوا کے ضلع لوئر دیر میں سی ٹی ڈی اور پولیس نے ایک مشترکہ کاروائی کے دوران چھ انتہائی مطلوب دہشت گردوں کو ہلاک کر دیا ہے۔
ذرائع کے مطابق یہ آپریشن خفیہ اطلاعات کی بنیاد پر انتہائی منصوبہ بندی کے ساتھ کیا گیا، جس میں سکیورٹی فورسز اور دہشت گردوں کے درمیان شدید فائرنگ کا تبادلہ ہوا۔
اسلحہ برآمد
ترجمان کے مطابق ہلاک ہونے والے تمام دہشت گرد سنگین کاروائیوں میں قانون نافذ کرنے والے اداروں کو انتہائی مطلوب تھے، جن کی ہلاکت سے خطے میں دہشت گردی کا ایک بڑا نیٹ ورک تباہ ہو گیا ہے۔
آپریشن کے اختتام پر سرچنگ کے دوران ہلاک دہشت گردوں کے قبضے سے چھ کلاشنکوف رائفلیں اور تین ہینڈ گرینیڈز سمیت بھاری مقدار میں دیگر گولہ بارود بھی برآمد کیا گیا ہے۔ سکیورٹی فورسز نے علاقے کو گھیرے میں لے کر مزید تحقیقات کا آغاز کر دیا ہے۔
دیکھیے: سلامتی کونسل میں امن دستوں کے تحفظ کے لیے پاکستان کی تاریخی قرارداد پیش