سی ٹی ڈی پنجاب نے دو ماہ کے دوران 419 انٹیلی جنس بیسڈ آپریشنز میں بھارتی خفیہ ایجنسی را کے 5 مبینہ ایجنٹوں سمیت 54 دہشت گردوں کو گرفتار کر لیا ہے۔
ترجمان کے مطابق یہ کارروائیاں لاہور، فیصل آباد، راولپنڈی، سرگودھا، جہلم، پاکپتن، گوجرانوالہ، ساہیوال اور اوکاڑہ میں کی گئیں۔ گرفتار ملزمان کی شناخت وارث خان، نصر، منور حسین، زاہد اور انعام اللہ سمیت دیگر ناموں سے ہوئی ہے۔
ملزمان کے قبضے سے دھماکہ خیز مواد، 12 آئی ای ڈیز، 42 ڈیٹونیٹرز، 98 فٹ سیفٹی فیوز وائر، ممنوعہ سٹیکرز اور نقدی برآمد ہوئی ہے۔ حکام کے مطابق ملزمان شہریوں میں خوف و ہراس پھیلانے کا منصوبہ بنا رہے تھے۔
سی ٹی ڈی کے مطابق اسی عرصے کے دوران صوبے بھر میں 13 ہزار 572 کومبنگ آپریشنز کے تحت 4 لاکھ 94 ہزار افراد سے پوچھ گچھ کی گئی، جبکہ 1 ہزار 193 مشتبہ افراد کو حراست میں لیا گیا ہے۔
دیکھیے: بدخشاں: کیا یہ طالبان کی طاقت میں پہلی حقیقی دراڑ ہے؟