Skip to content 
حکومت پاکستان نے عید الفطر 2026 کے موقع پر ملک بھر میں 20 اور 21 مارچ کو سرکاری تعطیلات کا اعلان کر دیا ہے۔
کابینہ ڈویژن کی جانب سے جاری نوٹیفکیشن کے مطابق تعطیلات کا اطلاق تمام سرکاری دفاتر پر ہوگا، چاہے وہ پانچ روزہ یا چھ روزہ ورکنگ ویک کے تحت کام کرتے ہوں۔
حکومت کا کہنا ہے کہ تعطیلات کا مقصد سرکاری ملازمین کو عید الفطر کا تہوار اپنے اہل خانہ کے ساتھ منانے کا موقع فراہم کرنا ہے۔
تاہم متعلقہ اداروں کو ہدایت کی گئی ہے کہ عوامی سہولت اور اہم خدمات کی فراہمی میں کسی قسم کی رکاوٹ نہ آئے، اس کے لیے ضروری انتظامات برقرار رکھے جائیں۔
نوٹیفکیشن کے مطابق 22 مارچ اتوار کی ہفتہ وار چھٹی جبکہ 23 مارچ یوم پاکستان کی سرکاری تعطیل ہونے کے باعث ملک میں چار روزہ طویل تعطیلات ہوں گی۔
