ہٹیاں بالا: آزاد کشمیر میں کالعدم جوائنٹ عوامی ایکشن کمیٹی کو ایک اور بڑا سیاسی دھچکا لگا ہے۔ ضلع پریس کلب ہٹیاں بالا میں اہم پریس کانفرنس کے دوران تنظیم کے 8 سرگرم ارکان نے مستقل لاتعلقی کا اعلان کر دیا ہے۔
تنظیم چھوڑنے کا باضابطہ اعلان پریس کانفرنس کے دوران راجہ عبدالقادر، وقار انجم یوسفزئی اور وحید کیانی نے تنظیم سے راہیں جدا کرنے کا فیصلہ سنایا۔
ان کے ہمراہ راجہ جلیل، یاسر صدیق کیانی، شاہد حامد عباسی، جمشید کیانی اور راجہ نسیم کیانی بھی موجود تھے۔
تمام شرکاء نے پاکستان اور افواجِ پاکستان کے ساتھ مکمل یکجہتی کا پختہ عزم ظاہر کیا۔
نوجوانوں اور تاجروں سے اپیل سابق ارکان نے نوجوانوں پر زور دیا کہ وہ کالعدم تنظیموں سے مکمل فاصلہ رکھیں۔ انہوں نے نوجوان نسل کو انتشار اور اشتعال انگیز سرگرمیوں سے دور رہنے کی تلقین کی۔
اس موقع پر تاجر برادری اور شہریوں سے اپیل کی گئی کہ وہ 4 اکتوبر کی احتجاجی کال کو مسترد کر دیں اور کاروباری مراکز کھلے رکھ کر ہڑتال سے گریز کریں۔
امن اور ریاستی نظم کا فروغ سابق رہنماؤں نے کہا کہ آزاد کشمیر کے باشعور عوام منفی سیاست اور انتشار پسند گروہوں کو یکسر مسترد کر چکے ہیں۔
انہوں نے واضح کیا کہ خطے کے امن پسند شہری ریاستی نظم، استحکام اور سلامتی کے اداروں کے ساتھ شانہ بشانہ کھڑے ہیں۔