جنوبی ایشیاء میں بھارت کا اثر و رسوخ مسلسل کم ہو رہا ہے اور اب یہ کم ترین سطح پر پہنچ چکا ہے۔ ساؤتھ چائنا مارننگ پوسٹ کے مطابق بنگلہ دیش اور میانمار اب بھارتی حلقے سے نکل کر پاکستان اور چین کے قریب آ گئے ہیں۔
ماہرین کے مطابق شیخ حسینہ کی حکومت کے خاتمے اور میانمار میں خودساختہ جلاوطنی کے بعد بھارت مخالف جذبات میں اضافہ ہوا ہے، جس سے بھارت کی علاقائی پالیسی متاثر ہوئی ہے۔
بین الاقوامی تعلقات کے ماہر سری ردھادتہ کے مطابق بھارت کو بنگلہ دیش اور میانمار کے ساتھ تعلقات میں پیچیدگیوں کا سامنا ہے، جبکہ سابق سفارتکار پی فے بین کا کہنا ہے کہ بھارت ہمسایہ ممالک کے ساتھ تعلقات بہتر بنانے میں مسلسل ناکام رہا ہے۔
تجزیہ کاروں کا کہنا ہے کہ بنگلہ دیش نے اپنے دفاعی تعلقات مضبوط کرنے کے لیے پاکستان کی جانب رُخ کیا ہے، جو جنوبی ایشیا میں بھارت کے اثر و رسوخ کے لیے ایک بڑا چیلنج ہے۔ بنگلہ دیش کے مذکورہ اقدام کے باعث بھارت کی علاقائی حکمت عملی متاثر ہو رہی ہے اور اس کی سفارتی پوزیشن کمزور ہو گئی ہے۔
دیکھیں: پاکستان اور ازبکستان کی اقتصادی شراکت داری، تجارتی ہدف دو ارب ڈالر مقرر
