ایرانی صدر مسعود پزشکیان نے اسرائیل اور امریکا کے ساتھ جنگ بندی کیلئے تین شرائط پیش کر دی ہیں۔
سوشل میڈیا پر جاری بیان میں ایرانی صدر نے کہا کہ پہلی شرط ایران کے آئینی اور جوہری حقوق کو تسلیم کرنا ہے جبکہ دوسری شرط جنگ کے دوران ایران کو پہنچنے والے نقصانات کا ہرجانہ ادا کرنا ہے۔
انہوں نے کہا کہ تیسری شرط یہ ہے کہ عالمی طاقتیں اس بات کی ضمانت دیں کہ آئندہ ایران کے خلاف کسی قسم کی جارحیت نہیں کی جائے گی۔
مسعود پزشکیان کا کہنا تھا کہ انہوں نے روسی صدر اور پاکستانی وزیراعظم سے گفتگو کے دوران بھی خطے میں امن کیلئے ایران کے عزم کا اعادہ کیا ہے۔
دوسری جانب ایرانی پاسدارانِ انقلاب نے خبردار کیا ہے کہ اگر ایرانی بندرگاہوں کو نشانہ بنایا گیا تو خطے کے دیگر ممالک کی بندرگاہیں بھی محفوظ نہیں رہیں گی۔
دیکھئیے:ایران کے نئے سپریم لیڈر مجتبیٰ خامنہ ای کا پہلا آڈیو پیغام جاری