ایرانی وزارتِ خارجہ کے ترجمان اسماعیل بقائی نے تصدیق کی ہے کہ ایران اور امریکہ کے درمیان مختلف ذرائع سے پیغامات کا تبادلہ جاری ہے۔ ان کا کہنا تھا کہ ایران سفارتکاری کے دروازے بند نہیں کرنا چاہتا۔
اسماعیل بقائی نے واضح کیا کہ کسی بھی قسم کے مذاکرات یا رابطوں میں قومی مفادات، سلامتی اور خودمختاری پر کوئی سمجھوتہ نہیں کیا جائے گا۔ دوسری جانب اقوامِ متحدہ میں امریکی سفیر مائیک والٹز نے امریکی میڈیا سے گفتگو کی۔
ان کا کہنا تھا کہ صدر ڈونلڈ ٹرمپ ایران کو مذاکرات کے ذریعے مسئلے کے حل کا موقع دینا چاہتے ہیں۔ مائیک والٹز کے مطابق اسی مقصد کے تحت مسلسل دوسری رات بھی ایران پر امریکی حملے نہیں کیے گئے۔
ان کا کہنا تھا کہ واشنگٹن چاہتا ہے کہ ایران کشیدگی میں کمی لانے کے لیے سفارتی راستہ اختیار کرے۔
تاہم انہوں نے واضح کیا کہ امریکہ اپنے مفادات اور اتحادیوں کے تحفظ کے لیے تمام آپشنز بدستور کھلے رکھے ہوئے ہے۔
دیکھیے: پاسداران انقلاب نے 200 سے زائد امریکی فوجیوں کی ہلاکت کا دعویٰ کر دیا
