اسلام آباد: نائب وزیراعظم و وزیر خارجہ اسحاق ڈار اور سعودی وزیر خارجہ شہزادہ فیصل بن فرحان کے درمیان اہم ٹیلیفونک رابطہ ہوا، جس میں خطے کی تازہ صورتحال پر تفصیلی تبادلہ خیال کیا گیا۔
دفتر خارجہ کے مطابق دونوں رہنماؤں نے کشیدگی میں فوری کمی اور مسائل کے حل کیلئے مذاکرات کی ضرورت پر زور دیا۔
گفتگو کے دوران خلیج اور مشرق وسطیٰ میں امن کیلئے پاکستان اور چین کے مشترکہ پانچ نکاتی منصوبے پر بھی تبادلہ خیال کیا گیا، جسے خطے میں استحکام کیلئے اہم پیشرفت قرار دیا جا رہا ہے۔
دونوں رہنماؤں نے پاکستان اور سعودی عرب کے مضبوط اور برادرانہ تعلقات کا اعادہ کیا اور اس بات پر اتفاق کیا کہ موجودہ صورتحال میں قریبی رابطہ برقرار رکھا جائے گا۔
حکام کے مطابق پاکستان خطے میں امن، استحکام اور متوازن سفارتکاری کیلئے اپنی کوششیں جاری رکھے گا۔
دیکھئیے:صدر ٹرمپ کی حکومت میں بڑے پیمانے پر تبدیلیاں، متعدد اعلی شخصیات عہدے سے برطرف