کابل میں ترکیہ کے سفارتخانے کے قائم مقام سربراہ سادین آیلدز نے افغانستان کی عبوری حکومت کے وزیر خارجہ مولوی امیر خان متقی سے ملاقات کی، جس میں دوطرفہ اور علاقائی امور پر بات چیت کی گئی۔
ملاقات کے دوران خطے میں جاری تبدیلیوں اور چین کے شہر ارومچی میں ہونے والے حالیہ مذاکرات پر تفصیلی تبادلہ خیال کیا گیا۔ ذرائع کے مطابق دونوں فریقین نے علاقائی استحکام اور سفارتی روابط کو مزید بہتر بنانے پر بھی زور دیا۔
سفارتی ذرائع کا کہنا ہے کہ ترکیہ اور افغانستان کے درمیان روابط کو موجودہ علاقائی تناظر میں اہم سمجھا جا رہا ہے، جہاں مختلف ممالک کے درمیان مشاورت کا سلسلہ تیز ہو رہا ہے۔
تجزیہ کاروں کے مطابق اس نوعیت کی ملاقاتیں خطے میں جاری سفارتی سرگرمیوں اور مستقبل کے ممکنہ تعاون کی عکاسی کرتی ہیں۔
دیکھئیے:گوادر واقعہ: گمراہ کن بیانیہ زیر گردش؛ حکام کا غیر مصدقہ دعوؤں سے اجتناب کا انتباہ
