کشمیر: حریت کانفرنس کے مرکزی رہنما پروفیسر عبدالغنی بھٹ 89 سال کی عمر میں انتقال کر گئے۔
ان کا تعلق شمالی کشمیر کے علاقے سوپورو کے گاؤں سے تھا آپ کے دنیا سے رخصت ہوجانے سے کشمیری سیاست ایک اہم شخصیت سے محروم ہو گئی ہے۔
پروفیسر عبدالغنی نے اپنی عملی زندگی کا آغاز وکالت سے کیا لیکن بعد میں شعبہ تعلیم و تعلم سے منسلک ہوگئے۔
بعدازاں کشمیر کی سیاست میں بھی حصہ لینے لگے یہاں تک کہ حریت کانفرنس کے چیئرمین منتخب ہوئے جہاں سے ایک طویل عرصے تک کشمیر کی آزادی کے لیے جدوجہد کرتے رہے۔
حریت رہنما کے انتقال پر کشمیری رہنماؤں نے اطہارِ تعزیت کرتے ہوئے کہا کہ کشمیر کی سیاست اور تحریکوں میں آپکا نام ہمیشہ روشن رہے گا۔
پاکستان کے وزیرِ خارجہ اسحاق ڈار نے پروفیسر عبدالغنی کی وفات پر تعزیت کرتے ہوئے کہا کہ کشمیر کی آزادی کے لیے جدوجہد اور پاکستان سے محبت پرانھیں خراجِ تحسین پیش کرتا ہوں۔
وزیراعلیٰ پنجاب مریم نوازنے کشمیری رہنما پروفیسر عبدالغنی کے انتقال پر تعزیت کا اظہار کرتے ہوئے کہا کہ انکی جدوجہد اورقربانیاں تاریخ کے باب میں ہمیشہ زندہ رہیں گی۔
دیکھیں: امن و استحکام کشمیریوں کے حقِ خودارادیت سے مشروط ہے: الطاف وانی