خیبر پختونخوا کے وزیراعلیٰ سہیل آفریدی نے سابق وزیرِ اعظم و بانیٔ تحریکِ انصاف عمران خان کی ہدایت پر صوبائی کابینہ کے اراکین کا اعلان کر دیا ہے۔ اور گورنر خیبر پختونخوا نے وزرا کی نامزدگی کی سمری پر دستخط کر دیے ہیں۔ نئی کابینہ آج سہ پہر 3 بجے گورنر ہاؤس پشاور میں حلف اٹھائے گی۔
کابینہ 13 اراکان پر مشتمل ہوگی جس میں 10 وزرا، 2 مشیر اور ایک معاون خصوصی ہوگا۔ تفصیلات کے مطابق وزرا میں مینا خان آفریدی، ارشد ایوب خان، امجد علی، آفتاب عالم خان، فضل شکور خان، خلیق الرحمٰن، ریاض خان، سید فخر جہاں، عاقب اللہ خان اور فیصل خان اور مشیروں میں مزمل اسلم اور تاج محمد جبکہ معاون خصوصی شفیع جان ہونگے۔
دیکھا جائے تو وزیراعلیٰ سہیل آفریدی نے سابق وزیراعلیٰ علی امین گنڈاپور کی کابینہ کے اکثر افراد کو برقرار رکھا ہے تاہم گنے چنے نئے افراد سامنے آئیں ہیں۔ قابل امر توجہ یہ ہے کہ سابقہ کابینہ کی اکثریت تو ہے لیکن خواتین کو نمائندگی نہیں دی گئی اور نہ ہی کوئی خاتون کابینہ کا حصہ بن سکی ہے۔
نئی کابینہ کی حلف برداری کی تقریب آج سہ پہر 3 بجے گورنر ہاؤس پشاور میں منعقد ہوگی۔
دیکھیں: نو منتخب وزیراعلی خیبرپختونخوا سہیل آفریدی اور توقعات و چیلنجز