خیبرپختونخوا اسمبلی میں سینیٹ کی 11 نشستوں کے لیے الیکشن ہوئے، پی ٹی آئی نے چھ نشستیں حاصل کرلیں، مراد سعید بھی سینیٹر بن گئے۔
غیر حتمی غیر سرکاری نتائج کے مطابق جنرل نشستوں میں پی ٹی آئی نے چار جبکہ اپوزیشن نے تین اپنے نام کیں۔ تحریک انصاف کے مراد سعید کو توقع سے زیادہ 26 ووٹ ملے۔
پی ٹی آئی کے دیگر کامیاب ہونے والے امیدواروں میں مرزا آفریدی، فیصل جاوید اور نور الحق قادری ہیں جنہیں بالترتیب، 22 اور 21، 21 ووٹ ملے۔
جنرل نشست پر اپوزیشن کے امیدوار مولانا عطاء الحق درویش 18 جبکہ طلحہ محمود 17 اور نیاز احمد 18 ووٹ لے کر کامیاب قرار پائے۔
ٹیکنوکریٹ کی نشست پر پی ٹی آئی کے اعظم سواتی اور پاکستان مسلم لیگ ن کے دلاور کامیاب قرار پائے، دونوں نے بالترتیب 89 اور 54 ووٹ حاصل کیے۔
خواتین کی نشستوں پر پی ٹی آئی کی روبینہ ناز اور پیپلز پارٹی کی روبینہ خالد کامیاب قرار پائیں، غیر حتمی اور غیر سرکاری نتائج کے مطابق پی ٹی آئی کی روبینہ ناز نے 89 اور پیپلز پارٹی کی روبینہ خالد نے 52 ووٹ حاصل کیے۔
الیکشن کمیشن کی فہرست کے مطابق 11 نشستوں کے لیے 25 امیدوار مدمقابل تھے جن میں سے 7 جنرل نشستوں کے لیے 16، ٹیکنوکریٹ کی 2 نشستوں کے لیے 5 اور خواتین کی 2 نشستوں کے لیے 4 امیدوار میدان میں تھے۔
دوسری جانب پنجاب میں ایک سیٹ کیلئے ہونے والے سینٹ انتخابات میں مرکزی جمیعت اہلحدیث پاکستان کے امیر حافظ عبد الکریم ن لیگ کی ٹکٹ پر بھاری اکثریت سے کامیاب ہو گئے۔
دیکھیں: بلوچستان واقعہ: مقتولین کے درمیان کوئی ازدواجی رشتہ نہیں تھا، وزیرِ اعلیٰ سرفراز بگٹی