لوئر کرم: سکیورٹی فورسز نے قابلِ اعتماد انٹیلی جنس معلومات کی بنیاد پر لوئر کرم کے علاقے میں انٹیلی جنس بیسڈ آپریشن کیا، جس کے دوران 2 خوارج ہلاک اور 4 زخمی ہوگئے۔
ذرائع کے مطابق آپریشن سے قبل علاقے کی نگرانی اور مشتبہ مقامات کی نشاندہی کے لیے ڈرون سمیت جدید انٹیلی جنس صلاحیتوں سے مدد لی گئی۔ خوارج کی موجودگی کی تصدیق کے بعد ان کے ٹھکانوں کو مؤثر انداز میں نشانہ بنایا گیا۔
کارروائی کے بعد سکیورٹی فورسز نے علاقے میں کلیئرنس اور سینیٹائزیشن آپریشن شروع کردیا ہے۔ اس دوران ممکنہ طور پر موجود دیگر خوارج، مشتبہ ٹھکانوں اور متعلقہ تنصیبات کی تلاش کی جا رہی ہے۔
سکیورٹی اہلکار الرٹ
سکیورٹی فورسز نے علاقے کی نگرانی مزید بڑھا دی ہے جبکہ مقامی آبادی کے تحفظ کے لیے بھی ضروری اقدامات کیے جا رہے ہیں۔
حکام کے مطابق علاقے کو مکمل طور پر محفوظ بنانے اور سکیورٹی خطرات کے خاتمے تک سینیٹائزیشن آپریشن جاری رہے گا۔ خوارج کے خلاف مزید کارروائیاں بھی قابلِ اعتماد انٹیلی جنس معلومات کی بنیاد پر جاری رکھنے کا عزم ظاہر کیا گیا ہے۔
دیکھیے: فیلڈ مارشل کا دورۂ پشاور، فارمیشنز کو ہمہ وقت چوکس رہنے کی ہدایت