پاکستان نے مکہ معاہدے کے تحت قائم ہونے والے اتحاد کے پہلے سیکریٹری جنرل کے طور پر لیفٹیننٹ جنرل ریٹائرڈ نعمان محمود کی تقرری کا اعلان کر دیا۔
لیفٹیننٹ جنرل ریٹائرڈ نعمان محمود مکہ معاہدے کے تحت قائم ہونے والے اتحاد کے جنرل سیکریٹریٹ کی قیادت کریں گے۔ جنرل سیکریٹریٹ سعودی عرب کے دارالحکومت ریاض میں قائم کیا جائے گا۔
پاکستان، سعودی عرب اور ترکیہ نے مکہ مکرمہ میں مشترکہ دفاعی معاہدے پر دستخط کیے تھے۔ مکہ معاہدے کے تحت تینوں ممالک نے اجتماعی دفاع اور سکیورٹی تعاون مضبوط بنانے پر اتفاق کیا ہے۔
معاہدے کی بنیادی شق کے مطابق تینوں ممالک میں سے کسی ایک پر مسلح حملے کو تمام فریقین پر حملہ تصور کیا جائے گا۔
مکہ معاہدہ تینوں ممالک کے درمیان دفاعی تعاون، سکیورٹی رابطوں اور مشترکہ اقدامات کے لیے ادارہ جاتی فریم ورک فراہم کرتا ہے۔
ریاض میں جنرل سیکریٹریٹ
مکہ معاہدے کے تحت اتحاد کا مستقل جنرل سیکریٹریٹ سعودی عرب کے دارالحکومت ریاض میں قائم کیا جائے گا۔
تینوں ممالک نے سیکریٹریٹ کی سربراہی ابتدائی طور پر پاکستان کو دینے پر اتفاق کیا ہے۔ اس انتظام کے تحت لیفٹیننٹ جنرل ریٹائرڈ نعمان محمود پہلے سیکریٹری جنرل کی ذمہ داریاں سنبھالیں گے۔
نعمان محمود اتحاد کے جنرل سیکریٹریٹ کی قیادت کے ساتھ تینوں ممالک کے درمیان دفاعی اور سکیورٹی تعاون میں رابطہ کاری کریں گے۔
یاد رہے کہ لیفٹیننٹ جنرل ریٹائرڈ نعمان محمود کو پاکستان کی جانب سے ہلال امتیاز (ملٹری) سے بھی نوازا جا چکا ہے۔ ان کی بطور پہلے سیکریٹری جنرل تقرری مکہ معاہدے کے ادارہ جاتی ڈھانچے کو فعال بنانے کی جانب اہم پیش رفت ہے۔
دیکھیے: مکہ دفاعی معاہدہ: پاکستان، ترکیہ اور سعودی عرب کا دفاعی تعاون مزید مضبوط بنانے پر اتفاق