سسٹم کو سیاسی ری سیٹ کی ضرورت، انتقامی کارروائیاں بند، قیدی آزاد کرنا پڑیں گے: بلاول بھٹو

زور زبردستی سندھ کی تقسیم ہوئی توکراچی کی سڑکوں پر خون بہےگا، بلاول کا انتباہ

بلاول بھٹو نے خبردار کیا ہے کہ سندھ کی تقسیم زبردستی مسلط کرنے کی کوشش کی گئی تو کراچی میں خونریزی ہو سکتی ہے، جبکہ انہوں نے سیاسی نظام کو ری سیٹ کرنے اور سیاسی قیدیوں کی رہائی کا بھی مطالبہ کیا۔

مریم نواز کو اعتماد کا ووٹ لینا پڑا تو پہلے سے 4 ووٹ زیادہ ملیں گے، رانا سکندر

رانا سکندر حیات نے مریم نواز کے خلاف فارورڈ بلاک اور عدم اعتماد کی افواہیں مسترد کرتے ہوئے کہا ہے کہ اعتماد کا ووٹ ملا تو انہیں چار ووٹ زیادہ ملیں گے۔
مریم نواز کو اعتماد کا ووٹ ملا تو 4 ووٹ زیادہ ملیں گے، رانا سکندر

رانا سکندر حیات کا کہنا ہے کہ مریم نواز کو اعتماد کا ووٹ ملا تو چار ووٹ زیادہ ملیں گے۔ انہوں نے مسلم لیگ ن میں فارورڈ بلاک اور وزیراعلیٰ کی تبدیلی کی افواہیں مسترد کردیں۔

November 17, 2026

پنجاب کے وزیر تعلیم رانا سکندر حیات نے کہا ہے کہ اگر وزیراعلیٰ مریم نواز کو اعتماد کا ووٹ لینا پڑا تو انہیں وزیراعلیٰ منتخب ہونے کے وقت سے بھی چار ووٹ زیادہ ملیں گے۔ ان کا کہنا ہے کہ مسلم لیگ ن میں فارورڈ بلاک بننے یا وزیراعلیٰ کی تبدیلی کا کوئی امکان نہیں۔

وی نیوز کو انٹرویو دیتے ہوئے رانا سکندر حیات نے کہا کہ پارٹی کے اندر اختلافات جمہوریت کا حصہ ہیں، تاہم مریم نواز کے خلاف سات ارکان اسمبلی بھی نہیں جبکہ 70 ارکان کی مخالفت کا تاثر درست نہیں۔

انہوں نے دعویٰ کیا کہ مریم نواز کی مخالفت کرنے والوں میں سے بیشتر کی وجہ یہ ہے کہ وہ ایک خاتون ہیں۔ ان کا کہنا تھا کہ مسلم لیگ ن کا کوئی رکن اسمبلی نواز شریف کے ٹکٹ کے بغیر انتخاب جیتنے کی جرات نہیں کرسکتا۔

فارورڈ بلاک کی تردید

صوبائی وزیر نے پارٹی میں فارورڈ بلاک بننے، وزیراعلیٰ کے خلاف عدم اعتماد اور مریم نواز کی تبدیلی سے متعلق افواہوں کو مسترد کردیا۔ انہوں نے کہا کہ ملک احمد خان کو وزیراعلیٰ بنانے کا کوئی اشارہ نہیں ملا اور نہ ہی وہ اس عہدے کے خواہش مند ہیں۔

رانا سکندر حیات کے مطابق وزرا کو وزیراعلیٰ مریم نواز سے براہ راست رابطے کی سہولت حاصل ہے اور وہ اپنے مسائل ان کے سامنے رکھ سکتے ہیں۔ ان کا کہنا تھا کہ پہلے وزرا کو ملاقات کے لیے کئی دن انتظار کرنا پڑتا تھا، تاہم اب مسائل فوری حل ہوجاتے ہیں۔

مریم نواز کی مقبولیت

پنجاب میں تعلیمی اصلاحات کا ذکر کرتے ہوئے رانا سکندر حیات نے کہا کہ گھوسٹ طلبہ کی نشاندہی کرکے انہیں تعلیمی نظام سے نکالا گیا ہے، نصابی کتابوں کی لاگت کم کی گئی اور کلاس رومز کی تعمیر میں اخراجات بچائے گئے ہیں۔

انہوں نے پبلک پرائیویٹ پارٹنرشپ کے ذریعے اسکولوں کا معیار بہتر بنانے کا دعویٰ بھی کیا۔ ان کا کہنا تھا کہ وہ خود بھی سرکاری اسکول میں طالبات کو انگریزی اور کمپیوٹر سائنس پڑھاتے ہیں۔

صوبائی وزیر نے دعویٰ کیا کہ 90 فیصد خواتین اور 90 فیصد نوجوان مریم نواز کو ووٹ دیں گے۔ انہوں نے پیش گوئی کی کہ پنجاب میں مسلم لیگ ن کی حکومت 2029 تک برقرار رہے گی اور آئندہ عام انتخابات میں پارٹی کلین سویپ کرے گی۔

رانا سکندر حیات نے مزید کہا کہ بعض لوگ اس امکان سے خوف زدہ ہیں کہ مریم نواز 2029 میں وزیراعظم بن سکتی ہیں۔ انہوں نے خواجہ آصف کو اپنا پسندیدہ رہنما قرار دیتے ہوئے کہا کہ پارٹی میں مختلف رہنماؤں کی اپنی خواہشات ہوتی ہیں۔

متعلقہ مضامین

راولاکوٹ فائرنگ میں رینجرز افسر شہید، جوابی کارروائی میں 4 افراد ہلاک۔

November 17, 2026

ماہرین نے بلاول بھٹو کی حالیہ تقریر کو توجہ ہٹانے کی کوشش قرار دیتے ہوئے سندھ حکومت کی کارکردگی، نئے صوبوں کی مخالفت اور آئینی ترامیم پر ان کے مؤقف کو کڑی تنقید کا نشانہ بنایا ہے۔

November 17, 2026

بلاول بھٹو نے خبردار کیا ہے کہ سندھ کی تقسیم زبردستی مسلط کرنے کی کوشش کی گئی تو کراچی میں خونریزی ہو سکتی ہے، جبکہ انہوں نے سیاسی نظام کو ری سیٹ کرنے اور سیاسی قیدیوں کی رہائی کا بھی مطالبہ کیا۔

November 17, 2026

اسلام آباد میں 13 سالہ گھریلو ملازمہ فاطمہ اصغر کی ابتدائی پوسٹ مارٹم رپورٹ میں موت کی وجہ تشدد قرار دی گئی ہے۔

November 17, 2026

رائے دیں

Leave a Reply

Your email address will not be published. Required fields are marked *