سابق وزیرِ اعلیٰ پنجاب اور سینئر سیاستدان میاں منظور احمد وٹو لاہور میں انتقال کر گئے ہیں۔ مرحوم کی نماز جنازہ بدھ، 17 دسمبر کو حویلی وساوے والا، اوکاڑہ میں دو بجے ادا کی جائے گی۔ مختلف سیاسی جماعتوں کے رہنماؤں اور کارکنوں نے میاں منظور احمد وٹو کی وفات پر گہرے دکھ کا اظہار کیا ہے۔
واضح رہے کہ میاں منظور احمد وٹو نے قومی سیاست میں طویل عرصے تک خدمات انجام دیں اور بطور وزیرِ اعلیٰ پنجاب سمیت متعدد اہم سیاسی عہدوں پر فائز رہے ہیں۔ انہیں ایک تجربہ کار سیاستدان اور مضبوط سیاسی شخصیت کے طور پر جانا جاتا تھا۔
سابق وزیراعظم پاکستان راجا پرویز اشرف، خرم جہانگیر وٹو سمیت متعدد سیاسی رہنماؤں نے مرحوم کے انتقال پر دکھ کا اظہار کیا اور ان کے درجات کی بلندی کے لیے دعائیں کیں۔
دیکھیں: شمالی بحیرۂ عرب میں پاکستان نیوی کی کامیاب میزائل فائرنگ