Skip to content 
ایران کی پاسدارانِ انقلاب نے مائیکروسافٹ، ایپل، گوگل، انٹیل اور بوئنگ سمیت 18 بڑی امریکی ٹیکنالوجی کمپنیوں کو سخت وارننگ جاری کرتے ہوئے انہیں ‘جائز فوجی ہدف’ قرار دے دیا ہے۔ ایرانی میڈیا کے مطابق یہ اقدام امریکہ اور اسرائیل کی جانب سے حالیہ دہشت گردانہ کاروائیوں اور اہم شخصیات کی ٹارگٹ کلنگ میں ان کمپنیوں کے مبینہ کردار کے ردعمل میں اٹھایا گیا ہے۔
پاسدارانِ انقلاب کے اعلامیے میں مؤقف اختیار کیا گیا ہے کہ مذکورہ کمپنیاں انفارمیشن اینڈ کمیونیکیشن ٹیکنالوجی (آئی سی ٹی) اور مصنوعی ذہانت (اے آئی) کے ذریعے جاسوسی اور قاتلانہ حملوں میں معاونت فراہم کر رہی ہیں۔ بیان میں خبردار کیا گیا ہے کہ یہ کمپنیاں اب ایران کی جوابی کاروائیوں کی زد میں ہوں گی۔
آئی آر جی سی نے ان کمپنیوں کے ملازمین اور دفاتر کے گرد و نواح میں مقیم شہریوں کو ہدایت کی ہے کہ وہ ممکنہ حملوں سے بچنے کے لیے ایک کلومیٹر کے قطر تک کا علاقہ فوری طور پر خالی کر دیں۔ تہران کے وقت کے مطابق یکم اپریل کی رات 8 بجے ان اہداف کو نشانہ بنائے جانے کا الٹی میٹم دیا گیا ہے۔ ایرانی حکام کا کہنا ہے کہ ٹیکنالوجی کے نام پر دہشت گردی کی سہولت کاری کرنے والے اداروں کو اب نتائج کا سامنا کرنا ہوگا۔
دیکھیے: جھل مگسی کے تھانہ کوٹرا پر فتنہ الخوارج کا حملہ؛ 11 سالہ بچہ شہید، دو حملہ آور ہلاک
