ایران نے خطے کے چار اہم عرب ممالک سعودی عرب، قطر، متحدہ عرب امارات اور کویت سے مطالبہ کیا ہے کہ وہ اپنی سرزمین کو امریکہ یا اسرائیل کی جانب سے ایران کے خلاف ممکنہ حملوں کے لیے استعمال کرنے کی اجازت نہ دیں۔ ایرانی میڈیا کے مطابق تہران نے واضح کیا ہے کہ کسی بھی قسم کی جارحیت کی صورت میں بھرپور جوابی کارروائی کی جائے گی۔
ایرانی حکام کی جانب سے ان ممالک کو باقاعدہ پیغام پہنچا دیا گیا ہے جس میں مطالبہ کیا گیا ہے کہ وہ اپنی حدود کو ایران کی سلامتی کے خلاف استعمال ہونے سے روکیں۔ بیان میں خبردار کیا گیا ہے کہ اگر کسی بھی ملک کی سرزمین یا فضائی حدود کو ایرانی مفادات پر حملے کے لیے استعمال کیا گیا، تو ایران اسے براہِ راست دشمن کی معاونت تصور کرے گا اور متعلقہ ملک کو نتائج کا سامنا کرنا پڑ سکتا ہے۔
مذکورہ پیش رفت مشرقِ وسطیٰ میں بڑھتی ہوئی فوجی سرگرمیوں اور ممکنہ محاذ آرائی کے تناظر میں سامنے آئی ہے۔ ایران کا مؤقف ہے کہ علاقائی استحکام کے لیے ضروری ہے کہ ہمسایہ ممالک بالخصوص عرب ممالک کسی بھی بیرونی سازش کا حصہ نہ بنیں اور اپنی خود مختاری کا دفاع کرتے ہوئے کسی تیسری قوت کو حملے کے لیے اڈے فراہم نہ کریں۔
دیکھیے: جھل مگسی کے تھانہ کوٹرا پر فتنہ الخوارج کا حملہ؛ 11 سالہ بچہ شہید، دو حملہ آور ہلاک