بھارتی فضائیہ کا جنگی طیارہ سخوئی ایس یو 30 ایم کے آئی لینڈنگ کے دوران ہارڈ لینڈنگ کا شکار ہو گیا۔ واقعے میں تمام عملہ محفوظ رہا، تاہم ایئرپورٹ رن وے عارضی طور پر بند کر دیا گیا۔
رن وے کی معطلی کے باعث متعدد پروازوں کا شیڈول متاثر ہوا، جسے جامع حفاظتی معائنے کے بعد دوبارہ آپریشنز کے لیے بحال کر دیا گیا۔
ابتدائی رپورٹ کے مطابق حادثہ لینڈنگ گیئر میں تکنیکی مسئلے کی وجہ سے پیش آیا، جبکہ حتمی وجہ کا تعین تحقیقات کے بعد کیا جائے گا۔
بھارتی فضائیہ کو اس سے قبل بھی مسلسل ناکامیوں اور فضائی حادثات کا سامنا رہا ہے۔ بلند و بالا دعوؤں کے باوجود بھارت دفاعی ٹیکنالوجی کے میدان میں اب بھی کافی پیچھے ہے۔
یہ واقعہ ایسے وقت میں پیش آیا ہے جب پاکستان علاقائی سطح پر اپنے دفاعی و سفارتی تعلقات کو وسعت دے رہا ہے، جبکہ بھارتی ایوی ایشن انڈسٹری کی کارکردگی پر سوالات برقرار ہیں۔
دیکھیے: مودی حکومت کا پیپر لیک اسکینڈل پر گھیراؤ، بھارت میں طلبہ کا احتجاج شدت اختیار کر گیا
