طالبان حکومت نے بینائی بحال کرنے کے لیے قرنیے کی پیوندکاری پر پابندی عائد کر دی ہے، جس سے طبی حلقوں میں تشویش کی لہر دوڑ گئی ہے۔
حکام کا دعویٰ ہے کہ یہ فیصلہ شریعت کی ان کی مخصوص تشریح کی بنیاد پر کیا گیا ہے، جس کے تحت قرنیے کا حصول اور پیوندکاری غیر اسلامی قرار دی گئی ہے۔
طبی ماہرین کے مطابق اس پابندی سے ہزاروں ایسے بینائی سے محروم افراد کا علاج ناممکن ہو جائے گا جو اس سرجری کے منتظر تھے۔
اس اقدام کو انسانی حقوق اور صحت کے بنیادی اصولوں سے متصادم قرار دیا جا رہا ہے، جس سے افغانستان میں طبی بحران مزید سنگین ہو سکتا ہے۔
