افغان طالبان کے سربراہ ملا ہیبت اللہ اخوندزادہ کا عیدالفطر پیغام سوشل میڈیا پر زیر بحث ہے ۔
ملا ہیبت اللہ اخوندزادہ نے اپنے عید پیغام میں افغانستان میں امن، اسلامی نظام، اتحاد اور دینی تعلیمات پر زور دیا تاہم انہوں نے غزہ، فلسطین یا ایران کے خلاف جاری امریکی اور اسرائیلی حملوں کا براہ راست ذکر نہیں کیا۔
میڈیا رپورٹس کے مطابق ماضی میں طالبان سربراہ کے عید پیغامات میں فلسطین اور مسلم دنیا کے مسائل کو خاص اہمیت دی جاتی رہی ہے، تاہم اس مرتبہ ان موضوعات کا واضح ذکر نہ ہونے پر مبصرین نے حیرت کا اظہار کیا ہے۔
صحافی ایاز گل نے سوشل میڈیا پر تنقید کرتے ہوئے کہا کہ طالبان سربراہ کے تازہ پیغام میں غزہ، فلسطین اور اسرائیل کا کوئی ذکر نہیں کیا گیا۔
یہ تنقید اس وقت سامنے آئی جب طالبان ترجمان ذبیح اللہ مجاہد پہلے ایک ایرانی چینل کو دیے گئے انٹرویو میں یقین دہانی کروا چکے ہیں کہ اگر امریکا ایران پر حملہ کرے تو افغان عوام ایران کی مدد کریں گے۔