افغانستان میں طالبان مخالف مسلح گروہوں کی سرگرمیوں میں اضافے اور حملوں کے بعد طالبان نے اپنی صفوں میں نئے جنگجوؤں کی بھرتی کا عمل تیز کر دیا ہے۔ مختلف رپورٹس کے مطابق بدخشاں، قندھار اور بادغیس سمیت سات صوبوں میں تقریباً پچاس سے زائد نئے جنگجوؤں کو طالبان میں شامل کیا جا رہا ہے۔
ذرائع کے مطابق یہ بھرتیاں ملک کے مختلف حصوں میں درپیش سکیورٹی چیلنجز کے تناظر میں کی جا رہی ہیں تاکہ طالبان کی عسکری استعداد کو مضبوط بنایا جا سکے اور حساس علاقوں میں آپریشنل صلاحیت میں اضافہ کیا جا سکے۔
واضح رہے کہ گزشتہ چند ہفتوں سے افغانستان بھر میں طالبان مخالف مسلح مزاحمت میں مسلسل شدت آتی جا رہی ہے، جس کے بعد طالبان نے اپنی فورسز کو مزید مستحکم کرنے اور داخلی محاذ پر دباؤ کا مقابلہ کرنے کے لیے نفری بڑھانے کا فیصلہ کیا ہے۔
دیکھیے: پنجشیر اور بدخشاں کے بعد اب فاریاب: طالبان مخالف نیا مسلح گروہ سامنے آ گیا