بلوچستان کے علاقے کلی سنک (پی ایس حنہ) میں افغانستان کی جانب سے فائر کیا گیا ایک کامیکازے ڈرون گرنے سے تین معصوم بچے زخمی ہو گئے۔
ذرائع کے مطابق ڈرون سرحد پار سے فائر کیا گیا تھا جو کلی سنک کے قریب گر کر پھٹ گیا، جس کے نتیجے میں علاقے میں موجود تین بچے زخمی ہو گئے۔
مقامی حکام کے مطابق زخمی بچوں کو فوری طور پر طبی امداد کیلئے قریبی اسپتال منتقل کر دیا گیا ہے۔
واقعے کے بعد سرحدی آبادی میں خوف و ہراس پھیل گیا۔
سکیورٹی ذرائع کا کہنا ہے کہ پاکستان کی کارروائیاں صرف مصدقہ خفیہ اطلاعات کی بنیاد پر دہشتگردوں کے ٹھکانوں کے خلاف کی جاتی ہیں جبکہ شہری آبادی کو نشانہ نہیں بنایا جاتا۔
ذرائع کے مطابق سرحد پار سے ڈرون کے استعمال جیسے اقدامات سرحدی علاقوں میں رہنے والے شہریوں کی جانوں کو خطرے میں ڈال رہے ہیں۔
دیکھئیے:افغان ترجمان کا یکطرفہ بیانیہ: زمینی حقائق اور سرحد پار عسکریت پسندی پر پردہ ڈالنے کی کوشش