صدر ٹرمپ نے کہا ہے کہ وہ ایران سے ڈیل کرنا چاہتے ہیں کیونکہ وہ لوگوں کو مارنا نہیں چاہتے۔ ایک تقریب سے خطاب کرتے ہوئے صدر ٹرمپ کا کہنا تھا کہ ایران سے بات چیت جاری ہے، دیکھیں کیا ہوتا ہے۔
اس سے قبل فاکس نیوز کو دیے گئے انٹرویو میں صدر ٹرمپ نے کہا تھا کہ اصل اہمیت صرف عملی اقدامات کی ہے اور ایران معاہدہ کرنا چاہتا ہے، دیکھتے ہیں آگے کیا ہوتا ہے۔ ان کا مزید کہنا تھا کہ اگر ایران نے معاہدہ نہ کیا تو یہ خود اسی کے لیے نقصان دہ ثابت ہوگا۔
مذاکرات کی صورتحال
صدر ٹرمپ کا یہ تازہ بیان ایسے وقت میں سامنے آیا ہے جب امریکا اور ایران کے درمیان آبنائے ہرمز کو دوبارہ کھولنے کے لیے معاہدے پر بات چیت جاری ہے۔
اس سے قبل وائٹ ہاؤس میں کابینہ اجلاس کے دوران صحافیوں سے گفتگو کرتے ہوئے ٹرمپ نے دن بھر کے مذاکرات کو حوصلہ افزا قرار دیا تھا اور امید ظاہر کی تھی کہ آبنائے ہرمز بہت جلد دوبارہ کھول دی جائے گی۔
دیکھیے: آبنائے ہرمز سے متعلق عبوری معاہدے کا باضابطہ اعلان آج متوقع