واشنگٹن: امریکی صدر ڈونلڈ ٹرمپ نے کہا ہے کہ چین کے ساتھ محاذ آرائی کے بجائے بہتر تعلقات رکھنا زیادہ سود مند ہے۔
امریکی ٹی وی سے گفتگو کرتے ہوئے ڈونلڈ ٹرمپ کا کہنا تھا کہ امریکہ اور چین کے درمیان تعلقات بہتری کی جانب گامزن ہیں اور دونوں ممالک کے درمیان مضبوط روابط قائم ہیں۔ انہوں نے اس بات پر زور دیا کہ دونوں بڑی معیشتوں کے مابین تعاون اور اچھے روابط خطے اور دنیا کے لیے مثبت پیش رفت ہے۔
ایک سوال کے جواب میں امریکی صدر کا کہنا تھا کہ فوجی لحاظ سے ایران اب تقریباً ختم ہو چکا ہے۔ انہوں نے مزید کہا کہ چین، وینزویلا اور ایران کی مجموعی صورتحال پر بھی گہری نظر رکھے ہوئے ہے۔
یہ پیش رفت ایک ایسے وقت میں سامنے آئی ہے جب امریکی صدر ڈونلڈ ٹرمپ کا رواں ماہ چین کا اہم دورہ متوقع ہے، جہاں ان کی ملاقات چینی صدر شی جن پنگ سے ہوگی۔ دورے کے دوران دونوں رہنماؤں کے درمیان دوطرفہ تجارت، ٹیکنالوجی کے شعبے اور ایران سے متعلق امور پر تفصیلی تبادلہ خیال کیا جائے گا۔
دیکھئیے:افغان طالبان اور چینی کمپنیوں کے درمیان تناؤ، لوگر تانبا منصوبہ تعطل کا شکار