غزہ میں اسرائیلی حملوں میں 11 فلسطینی جام شہادت نوش کرگئے۔ رپورٹ کے مطابق اکتوبر کے بعد سے شہادتوں کی تعداد 400 سے تجاوز کرچکی ہے۔
رائٹرز کے مطابق اسرائیلی افواج نے جمعرات کے روز غزہ پٹی میں مختلف فوجی کارروائیوں اور فضائی حملوں میں کم از کم 11 فلسطینی شہید کیے۔ حملوں میں خواتین اور بچے بھی شامل ہیں۔
رائٹرز کے مطابق گزشتہ سال اکتوبر میں اسرائیل اور حماس کے درمیان ہونے والی جنگ بندی کے باوجود خطے میں تشدد کا سلسلہ تاحال جاری ہے۔ جنگ بندی کے بعد سے اب تک تقریباً 400 فلسطینی اسرائیلی فوجی کارروائیوں میں ہلاک ہو چکے ہیں، جو اس بات کو واضح کرتے ہیں کہ فلسطینی علاقوں میں انسانی بحران میں کمی کے بجائے اضافہ ہو رہا ہے۔
بین الاقوامی مبصرین کا کہنا ہے کہ حالیہ حملوں نے غزہ میں صحت، تعلیم اور روزمرہ کی سہولیات کی تباہی میں مزید اضافہ کیا ہے۔ فلسطینی حکام نے اسرائیلی فوجی کارروائیوں کی شدید مذمت کرتے ہوئے عالمی برادری سے فوری مداخلت کی اپیل کی ہے۔
دیکھیں: اسرائیل کا آبادکاروں کو راکٹوں سمیت بھاری اسلحہ فراہم کرنے کا منصوبہ