گیارہویں کلاس کے نتائج نے پنجاب کے تعلیمی معیار کو بے نقاب کردیا

پنجاب کے تعلیمی بورڈز کے تحت 7 لاکھ 74 ہزار 424 طلبا و طالبات نے امتحانات دیے، جن میں سے 3 لاکھ 55 ہزار 204 ناکام رہے
پنجاب کے تعلیمی بورڈز کے تحت 7 لاکھ 74 ہزار 424 طلبا و طالبات نے امتحانات دیے، جن میں سے 3 لاکھ 55 ہزار 204 ناکام رہے

ماہرینِ تعلیم کا کہنا ہے کہ جب تک امتحانی نظام میں اصلاحات نہیں کی جاتیں تب تک معیارِ تعلیم اور نتائج میں بہتری ناممکن ہے

October 16, 2025

لاہور: پنجاب میں گیارہویں کلاس کے سالانہ امتحانات کے نتائج نے تعلیمی معیار کو بے نقاب کردیا ہے۔

نتائج کے مطابق پنجاب میں پچاس فیصد طلبا بھی معیارِ تعلیم پر پورا نہیں اُترسکے، جس نے صوبے کے نظامِ تعلیم کی کارکردگی پر سوالیہ نشان کھڑے کردیے ہیں۔

رپورٹ کے مطابق پنجاب کے 9 تعلیمی بورڈز کے تحت 7 لاکھ 74 ہزار 424 طلبا و طالبات نے امتحانات دیے، جن میں سے 3 لاکھ 55 ہزار 204 ناکام رہے۔ افسوسناک امر یہ ہے کہ کامیابی کا تناسب محض 53.71 فیصد رہا۔

ماہرینِ تعلیم کے مطابق زیرِ نظر نتائج اس بات کو واضح کرتے ہیں کہ رٹہ سسٹم نے نظام تعلیم کو شدید متاثر کیا ہے، جو طلبا میں تخلیقی سوچ پیدا کرنے میں سب سے بڑی رکاوٹ ہے۔

رپورٹ کے مطابق طالبات نے 60.85 فیصد کامیابی کے ساتھ بہتر کارکردگی کا مظاہرہ کیا جبکہ طلبا میں کامیابی کا تناسب محض 43.42 فیصد رہا۔
کُل 4 لاکھ 53 ہزار 370 طالبات اور 3 لاکھ 14 ہزار 54 طلبہ نے امتحانات دیے۔

اس موقع پر ماہرین تعلیم کا کہنا ہے کہ جب تک امتحانی نظام میں اصلاحات نہیں کی جاتیں اور تدریس میں تحقیقی انداز نہیں اپنایا جاتا تب تک معیارِ تعلیم میں بہتری ناممکن ہے۔ لہذا حکومتِ پنجاب سے مطالبہ ہے کہ نصاب، تدریس بالخصوص امتحان سے متعلق اصلاحات جلد از جلد نافذ کی جائیں۔

دیکھیں: امیر خان متقی کی نئی دہلی میں پریس کانفرنس: بھارت کے ساتھ تعلقات، تعلیم، تجارت اور پاکستان سے کشیدگی پر گفتگو

متعلقہ مضامین

مولانا طیب قریشی نے دورۂ بونیر کے دوران پیغامِ امن کمیٹی کا نیٹ ورک خیبرپختونخوا کے تمام اضلاع اور تحصیلوں تک پھیلانے کا اعلان کیا ہے۔

November 22, 2026

محسن نقوی نے ایک وزیر کی مسلسل تنقید پر ردعمل دیتے ہوئے کہا ہے کہ جواب دیا تو وہ منہ چھپانے کے قابل نہیں رہے گا۔

November 22, 2026

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رائے دیں

Leave a Reply

Your email address will not be published. Required fields are marked *