ڈھاکہ میں کھیلے گئے تین ون ڈے میچوں کی سیریز کے پہلے میچ میں بنگلہ دیش نے پاکستان کو یکطرفہ مقابلے کے بعد 8 وکٹوں سے شکست دے دی۔
بنگلہ دیش نے 115 رنز کا ہدف صرف 15ویں اوور میں دو وکٹوں کے نقصان پر حاصل کر لیا۔ تنزید حسن 67 اور نجم الحسین 27 رنز بنا کر نمایاں رہے۔
شیر بنگلہ نیشنل کرکٹ اسٹیڈیم میں کھیلے گئے میچ میں بنگلہ دیش نے ٹاس جیت کر پہلے فیلڈنگ کا فیصلہ کیا۔
پاکستان کی پوری ٹیم 30.4 اوورز میں 114 رنز بنا کر آؤٹ ہو گئی۔ صاحبزادہ فرحان 27 اور فہیم اشرف 37 رنز کے ساتھ نمایاں رہے۔
دیگر بلے بازوں میں معاذ صداقت 18، محمد رضوان 10 اور سلمان علی آغا 5 رنز بنا سکے جبکہ عبدالصمد اور وسیم جونیئر صفر پر آؤٹ ہوئے۔
بنگلہ دیش کی جانب سے رانا ناہید نے 5، مہدی حسن نے 3 جبکہ تسکین احمد اور مستفیض الرحمان نے ایک ایک وکٹ حاصل کی۔
سیریز کا دوسرا اور تیسرا ون ڈے میچ 13 اور 15 مارچ کو ڈھاکہ کے شیر بنگلہ نیشنل کرکٹ اسٹیڈیم میں کھیلا جائے گا۔
دیکھئیے:آؤ کرکٹ کھیلتے ہیں لیکن جیتوں گا میں ہی، شعیب اختر کا بھارتی کرکٹ ٹیم پر طنز
