ترجمان دفترِ خارجہ کی میڈیا کو قیاس آرائیوں سے گریز اور ذمہ دارانہ رپورٹنگ کی ہدایت

پاکستان کے دفترِ خارجہ نے پاک افغان سرحدی صورتحال اور علاقائی امن کی کوششوں کے حوالے سے میڈیا اور سوشل میڈیا پر گردش کرنے والی خبروں کی سختی سے تردید کرتے ہوئے انہیں بے بنیاد قرار دے دیا ہے۔ ترجمان دفترِ خارجہ طاہر اندرابی نے واضح کیا ہے کہ نام نہاد ‘سرکاری ذرائع’ کا حوالہ دے کر پھیلائی جانے والی رپورٹس محض خام خیالی ہیں اور ان کا حقیقت سے کوئی تعلق نہیں ہے۔ انہوں نے کہا کہ موجودہ حساس علاقائی صورتحال میں اس طرح کے غیر تصدیق شدہ دعوے سفارتی کوششوں کو متاثر کر سکتے ہیں۔

بریفنگ کو غلط رنگ دینے پر تشویش

ترجمان نے اس بات پر گہری تشویش کا اظہار کیا کہ جمعہ کے روز ہونے والی بریفنگ کو غلط رنگ دے کر پیش کیا گیا۔ ان کا کہنا تھا کہ بریفنگ کے دوران ایسے معاملات کا حوالہ دیا گیا جن پر نہ تو کوئی گفتگو ہوئی تھی اور نہ ہی کوئی اشارہ دیا گیا تھا۔ دفترِ خارجہ کے مطابق سفارت کاری انتہائی ذمہ داری اور احتیاط کی متقاضی ہے، جس میں قیاس آرائیوں کی کوئی گنجائش نہیں۔

میڈیا کے لیے احتیاطی تدابیر

پاکستان نے تمام میڈیا پلیٹ فارمز پر زور دیا ہے کہ وہ سرحد پر جاری صورتحال یا کسی بھی علاقائی تنازع کے حوالے سے قیاس آرائیوں سے مکمل گریز کریں۔ ترجمان نے ہدایت کی کہ عوام تک درست اور بروقت معلومات پہنچانے کے لیے صرف باضابطہ جاری کردہ بیانات اور میڈیا ریڈ آؤٹس پر ہی بھروسہ کیا جائ

دیکھیے: خطے کی صورتحال پر پاکستان سعودی رابطہ، کشیدگی میں کمی اور مذاکرات پر اتفاق