بھارت میں کاکروچ جنتا پارٹی کے احتجاج کے دوران ریکارڈ کی گئی ایک ویڈیو سوشل میڈیا پر تیزی سے وائرل ہو رہی ہے، جس میں ایک بھارتی طالبہ آپریشن سندور سے متعلق حکومتی مؤقف پر سوالات اٹھاتی نظر آ رہی ہے۔
ویڈیو میں طالبہ کا کہنا ہے کہ پاکستان نے آپریشن کے دوران بھارتی رافیل طیارے گرانے اور فوجیوں کی ہلاکت کا دعویٰ کیا تھا، جسے اس وقت بھارتی حکومت نے مسترد کر دیا تھا۔
طالبہ کے مطابق اگر حکومت اب چھ بھارتی فوجیوں کی ہلاکت تسلیم کر رہی ہے تو اس سے عالمی سطح پر پاکستان کے بعض دعوؤں کو تقویت مل سکتی ہے، جس سے بھارت کی ساکھ متاثر ہونے کا خدشہ ہے۔
ویڈیو وائرل ہونے کے بعد سوشل میڈیا پر مختلف آرا سامنے آنا شروع ہو گئی ہیں۔ متعدد صارفین بھارتی حکومت پر متضاد بیانات دینے کا الزام عائد کر رہے ہیں، جبکہ دوسری جانب بھارتی حکومت اس تاثر کو مسترد کر چکی ہے کہ فوجیوں کی ہلاکتوں کا اعتراف پہلی بار اب کیا گیا ہے۔
دیکھیے: نیٹ پیپر لیک: دہلی سے اٹھنے والا احتجاج بھارت بھر میں پھیل گیا
