امریکہ اور ایران کے درمیان کشیدگی مسلسل 13ویں روز بھی برقرار ہے۔ اطلاعات کے مطابق ایران نے میزائل اور ڈرون حملوں کے ذریعے خلیجی خطے کے مختلف مقامات کو نشانہ بنایا، جن میں کویت کی عراق سے ملحق العبدلی سرحدی گزرگاہ بھی شامل ہے۔
رپورٹس کے مطابق اردن، بحرین اور کویت نے خطے میں بڑھتی ہوئی عسکری سرگرمیوں اور فضائی خطرات سے متعلق انتباہ جاری کیا ہے، جبکہ بعض مقامات پر حفاظتی اقدامات مزید سخت کر دیے گئے ہیں۔
ایرانی صدر کے دفتر کے سربراہِ پروٹوکول عباس موسوی نے امریکی وزیر خارجہ مارکو روبیو کے بیان پر شدید ردعمل دیتے ہوئے امریکہ کو سخت وارننگ دی ہے۔ انہوں نے کہا کہ اگر کشیدگی میں مزید اضافہ ہوا تو ایران کا آئندہ جواب پہلے سے کہیں زیادہ سخت ہوگا۔
عباس موسوی نے واضح کیا کہ آئندہ کا ردعمل معمول کے مطابق نہیں ہوگا بلکہ کہیں زیادہ شدید نوعیت کا ہوگا۔ ان کا کہنا تھا کہ ایران اپنی خودمختاری اور قومی سلامتی پر کسی قسم کا سمجھوتہ نہیں کرے گا اور ہر ممکن جارحیت کا بھرپور جواب دیا جائے گا۔
دیکھیے: ایران پر 13ویں رات بھی امریکی بمباری جاری، سینٹکام نے تفصیلات جاری کر دیں
