امریکہ نے ایران کے خلاف مسلسل تیرہویں رات بھی فضائی حملے مکمل کرنے کا اعلان کر دیا ہے۔ امریکی سینٹرل کمانڈ کے مطابق تازہ کارروائی میں ایرانی فوجی تنصیبات، ڈرون مراکز اور ساحلی نگرانی کے نظام کو نشانہ بنایا گیا۔
سینٹکام نے اپنے بیان میں بتایا کہ حملوں میں فوجی کمانڈ سینٹرز، ڈرون ذخیرہ گاہیں، مواصلاتی نیٹ ورک اور بحری صلاحیتوں سے متعلق اہداف بھی نشانہ بنائے گئے۔
بیان کے مطابق ان کارروائیوں کا مقصد آبنائے ہرمز سے گزرنے والے تجارتی جہازوں اور شہری بحری نقل و حمل کو لاحق خطرات میں مزید کمی لانا ہے۔ سینٹکام نے واضح کیا کہ آبنائے ہرمز بدستور کھلی ہوئی ہے اور تجارتی جہاز امریکی فوج کی معاونت سے معمول کے مطابق اس بحری راستے سے گزر رہے ہیں۔
امریکی سینٹرل کمانڈ کے مطابق اس وقت مشرقِ وسطیٰ کے مختلف علاقوں میں 50 ہزار سے زائد امریکی فوجی اہلکار تعینات ہیں، جو خطے کی صورتحال پر مسلسل نظر رکھے ہوئے ہیں۔
دیکھیے: امریکہ کے ایران پر مسلسل بارہویں روز حملے، فوجی اہداف کو نشانہ بنانے کا دعویٰ