کوئٹہ میں فتنہ الہندوستان کے دہشت گردوں کے بزدلانہ حملے میں ایک شہری شہید ہو گیا۔
ابتدائی اطلاعات کے مطابق حملہ کوئٹہ کے پٹیل روڈ پر کیا گیا، جس میں ایک شہری موقع پر ہی شہید ہو گیا جبکہ ایک بچے سمیت 4 افراد زخمی ہوئے۔
دھماکے میں زخمی ہونے والے بچے ابرار احمد نے بتایا کہ وہ اپنے علاج کے سلسلے میں پٹیل روڈ پر واقع ہسپتال آیا تھا۔ اس کے مطابق فیملی کے ہمراہ ہسپتال سے باہر نکل رہے تھے کہ اچانک دھماکہ ہوا، جس میں وہ شدید زخمی ہو گیا۔
ایک اور زخمی وزیر خان نے بتایا کہ وہ ورکشاپ سے کام مکمل کرکے دوستوں کے ہمراہ گھر جا رہا تھا کہ دھماکے کی زد میں آ گیا۔ اس کا کہنا تھا کہ دھماکے کے بعد وہ بے ہوش ہو گیا اور ہوش آنے پر خود کو اسپتال میں پایا۔
دہشتگرد بوکھلاہٹ کا شکار
ماہرین کے مطابق سکیورٹی فورسز کے ہاتھوں حالیہ عرصے میں بڑی تعداد میں ہلاکتوں کے بعد فتنہ الہندوستان کے دہشت گرد بوکھلاہٹ اور خوف و ہراس کا شکار ہیں، جس کے باعث وہ اس نوعیت کے حملے کر رہے ہیں۔
کوئٹہ میں ہونے والا یہ حملہ صوبے میں جاری سیکیورٹی چیلنجز کی ایک اور کڑی ہے۔ حکام کی جانب سے واقعے کی مزید تحقیقات جاری ہیں۔
دیکھیے: تربت: دہشت گرد عثمان کی والدہ کا بیٹے سے مکمل لاتعلقی کا اعلان