ہنگو میں پولیس چیک پوسٹ پر دہشت گردوں کے بزدلانہ حملے کے نتیجے میں ڈی ایس پی دیار خان سمیت 5 پولیس اہلکار شہید ہو گئے، جبکہ 15 اہلکار زخمی ہوئے ہیں۔
پولیس ذرائع کے مطابق حملہ ہنگو کے علاقے خزینہ بانڈہ میں واقع پولیس چیک پوسٹ پر کیا گیا۔ حملہ آوروں اور پولیس اہلکاروں کے درمیان شدید فائرنگ کا تبادلہ ہوا، جس کے نتیجے میں ڈی ایس پی دیار خان اور دیگر 4 اہلکار موقع پر ہی جامِ شہادت نوش کر گئے۔
واقعے کے فوراً بعد سیکیورٹی فورسز اور امدادی ٹیموں نے موقع پر پہنچ کر علاقے کو حصار میں لے لیا۔ تمام زخمی پولیس اہلکاروں کو فوری طبی امداد کے لیے ڈسٹرکٹ ہیڈ کوارٹر (ڈی ایچ کیو) ہسپتال منتقل کر دیا گیا ہے، جہاں بعض کی حالت تشویشناک بتائی جاتی ہے۔ سیکیورٹی فورسز نے علاقے میں بڑے پیمانے پر سرچ آپریشن شروع کر دیا ہے۔
دیکھیے: فتنہ الخوارج کا ریاست مخالف پراپیگنڈا اور جعلی حملوں کا بیانیہ بے نقاب
