پاسدارانِ انقلاب نے امریکی فضائی حملوں کے شدید ردِعمل میں فوری اور سخت جوابی کارروائی کا باقاعدہ اعلان کر دیا ہے۔
ایرانی خبر ایجنسی فارس کے مطابق پاسدارانِ انقلاب نے بیان جاری کرتے ہوئے کہا ہے کہ اللّہ تعالیٰ کی مدد سے آج جارح کو سخت سزا دی جائے گی۔ یہ بیان امریکی فورسز کی جانب سے ایرانی سرحدوں اور ملٹری سائٹس پر کی گئی کارروائیوں کے فوراً بعد سامنے آیا ہے۔
رپورٹس کے مطابق امریکی بمباری کے دوران درجنوں ایرانی عسکری اور دفاعی اہداف کو نشانہ بنایا گیا۔ ان میں مرکزی فوجی کمانڈ مراکز، میزائل اور ڈرون تنصیبات، ساحلی نگرانی کے نظام اور اہم بحری تنصیبات شامل ہیں۔
ایرانی میڈیا کے مطابق حملوں کے وقت جنوبی علاقوں اور جزائر قشم، کیش، بندر عباس، آبادان اور بوشہر میں شدید دھماکوں کی آوازیں سنی گئیں۔ بوشہر اور قشم کے علاقوں میں سیکیورٹی اور ہنگامی صورتِ حال نافذ کر دی گئی ہے۔
امریکہ کی اس شدید نوعیت کی فضائی کارروائی میں شہریوں کو بھی شدید نقصان پہنچا۔ جزیرے قشم میں ایک رہائشی عمارت پر ہونے والی بمباری کے نتیجے میں ایک ہی خاندان کے تین افراد، جن میں میاں بیوی اور ان کا دو سالہ بچہ شامل ہیں، شہید ہو گئے۔ اسی واقعے میں متعدد بچے زخمی بھی ہوئے جبکہ ایک بچے کو ملبے سے زندہ نکال لیا گیا۔
دیکھیے: پاکستان نے ایران کو اسلحہ فراہم نہیں کیا، صدر ٹرمپ نے پاکستان مخالف پراپیگنڈا مسترد کر دیا
