سکیورٹی فورسز نے لکی مروت کے علاقے کٹا خیل میں خفیہ اطلاع کی بنیاد پر کامیاب انٹیلی جنس بیسڈ آپریشن 11 گرج کرتے ہوئے 3 خوارج دہشت گردوں کو ہلاک کر دیا ہے۔
سکیورٹی ذرائع کے مطابق فائرنگ کے شدید تبادلے کے بعد ہلاک ہونے والے خوارج میں سے ایک کی شناخت افغان شہری کے طور پر ہوئی ہے۔ کارروائی مکمل ہونے پر سکیورٹی فورسز نے ہلاک دہشت گردوں کی لاشیں تحویل میں لے لیں۔
آپریشن کے دوران فورسز نے علاقے کو گھیرے میں لے کر تلاشی کی کارروائی کی، جس کے نتیجے میں دہشت گردوں کے قبضے سے بڑی مقدار میں جدید اسلحہ، گولہ بارود اور دیگر عسکری سازوسامان برآمد ہوا ہے۔
سکیورٹی ذرائع نے بتایا کہ ہلاک ہونے والے خوارج علاقے میں دہشت گردی کی متعدد کارروائیوں اور تخریب کاری میں ملوث تھے۔ ان کے خلاف یہ کارروائی سکیورٹی فورسز کی جانب سے جاری مسلسل انسدادِ دہشت گردی مہم کا اہم حصہ ہے۔
دفاعی ماہرین کا ماننا ہے کہ لکی مروت میں فورسز کی یہ بروقت اور کامیاب کارروائی خطے میں امن و امان کے قیام اور دہشت گردوں کا نیٹ ورک توڑنے کے لیے ایک بڑی کامیابی ہے۔
دیکھیے: لکی مروت میں خوارج کو بڑا دھچکا، آپریشن 11 گرج میں اہم کمانڈرز ہلاک
