بنوں میں مبینہ ڈرون حملے میں ایک شخص جاں بحق، دو زخمی

خیبر پختونخوا: بنوں کے علاقے جانی خیل میں ڈرون حملے کے نتیجے میں ایک شخص ہلاک اور دوسرا شدید زخمی ہو گیا ہے۔ اطلاعات کے مطابق حملے میں علاقے کے ایک مخصوص مقام کو نشانہ بنایا گیا۔

حملے میں ہلاک ہونے والے شخص کی شناخت عارف اللہ کے نام سے ہوئی ہے، جبکہ زرار نامی ایک اور شخص شدید زخمی ہوا ہے۔ بتایا جا رہا ہے کہ زخمی ہونے والے شخص کو کمر کے نچلے حصے میں گہری چوٹیں آئی ہیں، جنہیں فوری طبی امداد کے لیے منتقل کر دیا گیا ہے۔

بنوں پولیس کے مطابق واقعے کی مزید تحقیقات کا آغاز کر دیا گیا ہے، جبکہ حملے کی حقیقی نوعیت اور تمام تر فنی و تکنیکی پہلوؤں کا باریک بینی سے جائزہ لیا جا رہا ہے تاکہ اصل حقائق کا تعین کیا جا سکے۔

دیکھیے: لوئر دیر میں سکیورٹی فورسز کی بڑی کارروائی: 2 عسکریت پسند ہلاک