بلوچستان کے ضلع کچھی کے علاقے بھاگ ناری میں دہشتگردوں نے پولیس اسٹیشن پر حملے کی کوشش کی، تاہم پولیس اور سکیورٹی فورسز نے بروقت کارروائی کرتے ہوئے حملہ ناکام بنا دیا۔
ذرائع کے مطابق دہشتگردوں نے پولیس اسٹیشن کو نشانہ بنانے کی کوشش کی تو پولیس اہلکاروں نے فوری جوابی کارروائی کی۔ اس دوران سکیورٹی فورسز بھی موقع پر پہنچ گئیں۔
پولیس اور دہشتگردوں کے درمیان فائرنگ کا تبادلہ ہوا۔ کارروائی کے نتیجے میں 3 دہشتگرد ہلاک ہوگئے۔
فائرنگ کے دوران مقامی شہریوں نے بھی سکیورٹی اہلکاروں کا ساتھ دیا اور دہشتگردوں کے خلاف کارروائی میں تعاون کیا۔
پولیس اور سکیورٹی فورسز کی بروقت مزاحمت کے باعث حملہ آور اپنے مقصد میں کامیاب نہ ہوسکے۔
واقعے کے بعد علاقے میں سکیورٹی مزید سخت کردی گئی ہے۔ اس کے علاوہ دہشتگردوں کے ممکنہ ساتھیوں اور سہولت کاروں کی تلاش بھی جاری ہے۔
حکام کے مطابق امن و امان برقرار رکھنے اور دہشتگردی کے خاتمے کے لیے سکیورٹی ادارے مقامی آبادی کے تعاون سے کارروائیاں جاری رکھیں گے۔
دیکھیے: پراپیگنڈا بے نقاب: مستونگ میں ترقیاتی کاموں کے خلاف منفی بیانیہ ناکام
