کوئٹہ کی انسدادِ دہشت گردی عدالت نے ایف سی سپاہی شبیر احمد کے قتل کا مقدمہ طے کرتے ہوئے اپنا محفوظ فیصلہ سنا دیا ہے۔
جج محمد علی مبین کی سربراہی میں قائم عدالت نے بی وائی سی رہنماؤں ڈاکٹر ماہ رنگ بلوچ اور صبغت اللہ شاہ کو عمر قید کی سزا سنائی ہے۔
عدالتی فیصلے کے مطابق ملزمان نے غیر قانونی اجتماع منظم کیا اور ہجوم کو مشتعل کر کے سپاہی کی شہادت میں مشترکہ کردار ادا کیا۔
استغاثہ کے مطابق گوادر میں الجوہَر اسکول کے قریب سپاہی شبیر احمد کو تشدد کا نشانہ بنا کر قتل کیا گیا، جبکہ واقعے میں 16 اہلکار زخمی ہوئے۔
عدالت نے انسدادِ دہشت گردی ایکٹ کی دفعہ 7-اے کے تحت جرمانہ اور شہید کے اہل خانہ کے لیے 2 لاکھ روپے معاوضہ بھی مقرر کیا ہے۔
ریاست کے مطابق گوادر میں سکیورٹی خدشات اور چینی وفود کی موجودگی کی وجہ سے منتظمین کو متبادل مقامات پر اجتماع کی پیشکش کی گئی تھی۔
وزیراعلیٰ بلوچستان سرفراز بگٹی نے فیصلے کو قانون کی بالادستی قرار دیا، جبکہ ہائی کورٹ کے حکم پر مقدمہ کوئٹہ منتقل کیا گیا تھا۔
ملزمان کی سکیورٹی کے پیش نظر ویڈیو لنک کے ذریعے پیشی اور سرکاری وکیل کی سہولت فراہم کی گئی، جبکہ وکلا کی جانب سے بلوچستان ہائی کورٹ میں اپیل دائر کر دی گئی ہے۔
دیکھیے: لاپتا افراد یا عسکری نیٹ ورک؟ بلوچستان میں مسلح تنظیموں کی حقیقت
