ستمبر 196 کی جنگ کے دسویں روز پاکستانی افواج نے دشمن کے دانت کھٹے کیے۔ پاک فوج نے شدید جوابی وار کر کے بھارتی فوج کو قصور سیکٹر سے پسپا ہونے پر مجبور کیا۔
جموں سے سیالکوٹ کی طرف پیش قدمی کی کوشش کرنے والی بھارتی فورسز کو بھاری نقصان اٹھانا پڑا۔ لاہور سیکٹر کے قریب زمینی دستوں نے چھوٹے ہتھیاروں سے فائر کر کے بھارت کے دو جنگی طیارے مار گرائے۔
سیالکوٹ کے محاذ پر پاک فوج نے بھارتی فوج کے مزید 7 سینچورین ٹینک تباہ کیے۔ اس کارروائی کے بعد اس سیکٹر میں تباہ شدہ بھارتی ٹینکوں کی مجموعی تعداد 42 ہو گئی۔
دراس میں مرال آباد کے مقام پر قائم بھارتی فوج کے مضبوط ٹھکانے تباہ کر دیے گئے۔ بحیرہ عرب میں پاک بحریہ کی برتری کے باعث بھارتی بحریہ اپنی سرگرمیاں روکنے پر مجبور ہوئی۔
دوارکا اور جام نگر پر حملوں کے بعد بھارتی بحریہ اپنی فضائیہ کی ناکامی پر برہم تھی۔ پاکستانی افواج نے بری، بحری اور فضائی محاذ پر دشمن کے عزائم خاک میں ملا دیے۔
دیکھیے: جنگ ستمبر کا نواں روز: پاکستان نے بھارت کو تین محاذوں پر شکست دی
