بلوچستان کے ضلع کچھی کے علاقے سنی میں سکیورٹی فورسز نے کامیاب انٹیلی جنس بیسڈ آپریشن کیا ہے۔ کارروائی کے دوران فتنہ الہندوستان سے تعلق رکھنے والے چھ دہشت گرد ہلاک ہو گئے۔
سکیورٹی ذرائع کے مطابق سنی کے علاقے میں دہشت گردوں کی موجودگی اور نقل و حرکت کی مصدقہ اطلاعات موصول ہوئی تھیں۔ سکیورٹی فورسز نے فوراً منصوبہ بندی کے تحت مؤثر کارروائی شروع کی۔
آپریشن کے دوران جدید ٹیکنالوجی اور کواڈ کاپٹر کے ذریعے علاقے کی فضائی نگرانی کی گئی۔ فورسز نے انتہائی درست نشانہ بندی کے ذریعے دہشت گردوں کے ٹھکانے کو نشانہ بنایا۔
ہلاک ہونے والے چھ دہشت گردوں کے قبضے سے بھاری مقدار میں جدید اسلحہ اور گولہ بارود برآمد کر لیا گیا۔ فورسز نے تمام اسلحہ اپنی تحویل میں لے لیا ہے۔
کامیاب کارروائی کے فوری بعد علاقے میں سرچ اینڈ کلیئرنس آپریشن شروع کر دیا گیا ہے۔ اس کارروائی کا مقصد علاقے میں روپوش دیگر شرپسندوں کی تلاش اور علاقے کو محفوظ بنانا ہے۔
سکیورٹی ذرائع نے عزم ظاہر کیا ہے کہ صوبے میں قیامِ امن کے لیے انٹیلی جنس بیسڈ کارروائیاں جاری رہیں گی۔ شرپسند عناصر کے مکمل خاتمے تک کارروائیوں کا دائرہ مزید وسیع رکھا جائے گا۔
دیکھیے: نورستان کامدیش میں طالبان کی چوکیاں مزاحمتی فورسز کے قبضے میں