ہائیکورٹ کے سینئر جج جسٹس محسن اختر کیانی نے اپنے عہدے سے استعفا دے دیا ہے، جس کے بعد عدالتی اور قانونی حلقوں میں مختلف خدشات اور مباحث جنم لے رہے ہیں۔
ذرائع کے مطابق جسٹس محسن اختر کیانی کو لاہور ہائیکورٹ میں رپورٹنگ کے بعد سے اہم اور حساس کیسز کے بجائے صرف فیملی اور معمولی نوعیت کے مقدمات سونپے جا رہے تھے، جس پر وہ شدید تحفظات محسوس کر رہے تھے۔
عدالتی ذرائع کا کہنا ہے کہ آئندہ ہفتے کے عدالتی روسٹر میں ان کی ڈیوٹی راولپنڈی بینچ (2 نومبر سے 24 نومبر) میں لگائی گئی تھی، جسے انہوں نے دل پر لیا اور نظر انداز کیے جانے کے احساس کے باعث استعفا کا فیصلہ کیا۔
اس کے علاوہ میڈیا رپورٹس کے مطابق استعفے میں انتظامیہ اور ایگزیکٹو کے عدالتی امور میں بڑھتے ہوئے عمل دخل، آئینی ترمیم سے متعلق تحفظات اور ذاتی وجوہات کا بھی ذکر کیا گیا ہے۔
واضح رہے کہ جسٹس محسن اختر کیانی نے رواں سال 29 اپریل 2026 کو اسلام آباد ہائیکورٹ سے نقل مکانی کے بعد لاہور ہائیکورٹ میں بطور جج ذمہ داریاں سنبھالی تھیں۔
